دبة كردستان

في سبعينيات القرن الماضي  لابو حتى القرون التي خلت
كنا مجموعة زعاطيط لفخذ  واحد من افخاذ البومطير البوعبود المحمداويين , نلتقي يوميا مع عدد محدود من ابناء مدن وعشائر اخرى في راس دربونه واحدة
لم يكن في بيوتنا تلفزيونات , التلفزيون فقط في مقهى عطيوي (كَهوة عطيوي), تسليتنا الليلية هي الجلوس قرب تجمعات الكبار ومحظوظ من يسمحوا له بالتواجد إن لم ينهروه :
امشي ولَك روح انچبح , الدنيا نص الليل .
الكبار يتجمعون على شكل مجموعات جالسة او واقفة , مجموعة مشجعي الرياضة , هناك في ركن الطحانة مجموعة السرسريه والقمرجية , مجموعة العسكريين , مجموعات وكلمن ومجموعته ,
من احاديث احدى المجموعات  استل حديثا تكرر لسنوات لابو الستلايت :
- يابه يكَولون حاتم قرندل  باكَته الدبة بالشمال !!
- ها !!!؟ يعني بعد مايرجع ؟
- اي  حتى وحدته العسكرية , سجلته مفقود , وبلغوا اهله البارحة .
- عمي  يادبة لخاطر الله !!  شنو دبة ؟ الدبة يعني حيوان الدب , شلون يبوكَــ البشر ؟ يجرحه , يقتله معقوله , بس مال يبوكَه !! هاذ تمظرط مو حچـي !!
- اها !! قابل نچذب عليك !!؟  هي تجي وتسطي مثل الحرامي على الاشكفته (الموضع العسكري) وتسرق الجندي , وتاخذه للمغاره  , وانوب تخليه يسوي وياها(يمارس الجنس !!) وتخلف منه .
- ههههههههههههههههه  يعني شنو تتزوجه ؟ قابل مايكَدر يشرد منها ؟
- خايب دروح , عود هو يفتهم !! چا غير تلحس رجليه وتكَرمه اتكَرم !!!  بس هيه يكَولون تجيبله اكل  احسن اكل , كله عسل وجوز ولوز  وتدللــــه دلال ’ بس شني  تمووت على الجنس .... !!! (غير دبه  ادب سز) . 
- شلون يسبح , يروح للمرافق الصحيه ؟
- بالمغارة , بس آنه اكَلك هو يصير بيه كَمل هواي .
هذه الاحاديث او الشائعات انتشرت كالنار في الهشيم , والاعتقاد انها دعايات مخابراتية للتغطية على القتلى والمفقودين بحرب البارزاني ابو مسعود الحالي وحكومات العراق المتعاقبة, التي ابلت فيها الدببه من الطرفين بلاء حسنا في لحس المواطنين عربهم وكردهم وبقية قومياتهم واديانهم.
صغارا كنا لا نعي مايحصل , فبعضنا كان يتمنى ان تلحسه الدبه ليشبع جنس وعسل وجوز ولوز ويعيش في الغابة ملكا في ظل دبة حنون  !!!!
منذ سنين طويلة والدببة والنمور والعسلان تلحس ارجلنا ولاعسل ولاجوز  ولا لوز و فقط ضيم وضلايم وياريتنا كنا نحن الفاعلين جنسيا , كنا نحن المفعول بنا !!
فوكَــ اللحس مال رجلينا فوكَـ المحروكَـ اصبعه انوب .......................بينا 


.....
السياسيون الجدد , مسعوود  البيش مركَاوي سليل البارزاني  
عيني شنو دبتكم ماشبعت جنس؟ ماشبعت لحس ؟
كلمن ودبته