قصة الخليقة 25 اللهجة الجنوبية

Tuco Al Sandeigo

April 13 at 9:35am · 

2️⃣5️⃣
‫#‏قصة_الخليقة‬ باللهجة الجنوبية
ايوب٤
حين وصل اليفاز التيماني وبلدد الشوحي وصوفر النعماني حيث ايوب وشاهدوا ما حل به
مزقوا ملابسهم وحثوا التراب على رؤوسهم
وثغبوا ثغيب ما صاير، انطرت روسهم من الثغيب
يا عمت عيني يا أيوب خويه، العباس چفيلك هم ندري هيچ صاير بيك! قال اليفاز التيماني.
يا ياااابه يااااابوويه اللله ولحد، سوده أبْوشي يا أيوب ياخوويه، ردد بلدد الشوحي.
أما صوفر النعماتي فأخذ يلطم على وجهه ويصوفر.
ولم يكلمهم أيوب واستمر هذا الحال سبعة ايام بلياليها ( مچلبين بهاي السبعتيام لايزيدن ولاينگصن) لايكلمهم وهم في حزن وغم وبكاء.
حتى تكلم ايوب وسب يومه:
يوم الاسود الصرت بيه، اسود ومصخم، عساني متت ابطن امي ولا حبلت بي، كون ضاك اليوم اظلم وما طالعه عليه شمس، كون ذاك اليوم مامحسوب من الايام ولا الشهر من الشهور ولا السنة من السنوات وبقي يندب ويشتم يومه حتى قال:
يا من سرا والدمع حدر الجفن ما ژله
مو هسه وگت العتب للملـگه آني مأجله
بوويه بطل العتب خايب يگلبي
مو هسه وكت العتب احوووه مالومه ياروحي
مو هسه وكت العتب بالضيم گلو لأحباب گلبي

فناح بقربه اليفاز التيماني وقال:
يا من سرا والدمع حدر الجفن ما ژله
مو هسه وكت العتب للملگه اني مأجله
خووويه بطل العتب خايب يگلبي

فردد بلدد الشوحي:
مو هسه وكت العتب بوووويه ياابووويه
احووووه مالومه يروحي
فسمع الرب ونينهم وثغيبهم وأنزل فالح حسن
فعزف لهم حتى بكت الارض والسماوات
ورددت ‫#‏الله_الله_يافالح‬
صرخ أيوب مكملاً ما ترنم به:
اللِييل الطوِيل أنژله وهمي بعد ما ژله
بووويه يا بووويه
تعال أحچيلك أشسويت بيه
من طاري الفراگ تغيب روحي

وتصاعد الونين وأخذ مأخذه من صوفر النعماتي وعلى غير عادته نطق مترنما:
الليل الطويل انژله وهمي بعد ما ژله
بووويه يا بووويه
وحـگـ ألله گضت لوعات روحي

فعاد ايوب و ردد:
الليل الطويل انژله وهمي بعد ماژلـه
بووويه يا بووويه أهنا اريد احباب گلبي
گـلبيي ‫#‏من_يشوفهم_يفتره_گلبي‬
فضجت الارض والسماء على اثر هذه الترانيم، بكت الملائكة
و رق قلب الشيطان الرجيم قال:
اعوذ بالله مني، هذا الترانيم ترقق قلب حتى ابو مصعب الزرقاوي!!
شني هذا الونين!؟
فشخط قلبهم فالح حسن بكمان الهي و لامس شغاف قلوبهم ولم يسكن حتى سمع ايوب يقول:
سنين عمري ألك ضليت أحصد وَ ذر
سنين عمري بوويه يا بوويه اااا وحگ ألله گضت لچمات روحي.

فترنم اليفاز التيماني:
بـسنين عمرك ضليت تحصد و تذر
خايب شمااالك؟ شمااالك؟ ‫#‏يگل_صبرك_يگلبي‬

ايوب:
بهيمة ودادك ابد مالي فياي و ذر
شليت حالي ولك احووو ‫#‏تسعر_نار_گلبي‬
بووويه يابووويه

بلدد الشوحي: و ذرا و ذرا
شمس المالي بيها فياي وَ ذرا
اااا ترا ‫#‏مالوم_من_يوم_النسونا‬ بووويه يا بووويه.

صوفر النعماتي:
و ذرا وذرا
شمس المالي بيها فياي وذرا
احححححوووه ‫#‏حرام_الليل_الچان_أنامه‬

ايوب: وَ ذرا وَ ذرا
گـضيت الگـلب وذره بأثر وذره
گــضـيييت گضيييت الگلــب وذره بعد وذره
الزمن المحشمك لو عاذل، تعاااال
‫#‏احچيلك_أشسويت_بيه‬
أحووووه أريد العاشرونه

اليفاز التيماني:
گضييييت گضيييت الگـلب بووويه الگلب
شلوووون ‫#‏العْزِيز_يفارجونه‬

ايوب:
گضيييت گضييييييييت الگلب بوووية يا بووويه ‫#‏شمالچ_يگـل_صبرچ_يروحي‬؟

فأرتفع صوت البكاء وعمت الكأبة في الارض والسماء وسقطت الملائكة الى الارض بعد ان ابتلت اجنحتها بالدموع المدرارة، و حزن الرب و صاح أئتوني بالشيطان.
فأتوا به
الرب: يا كلب ابن الكلب ليش دفتعني علو أيوب؟ ليش هيچ سويت؟
الشيطان: چا شعليه، غير اتفقنا نجربه؟ شمدريني يطلع من اهل الجنوب و يجون هذول اصدقائه ويرنمون‫#‏ترانيم_الجنوب‬
ربي استغفرك واتوب اليك
ربي هذا وعدي:
عبادك الحنوبيون لا سلطان لي على قلوبهم
لا سلطان لي على ترانيمهم.
علي اللعنة إن حرمتهم من ترانيمهم.
الرب: فليبرء ايووب من سقمه، ويرزق بزوجة و يولد له ضعف من مات، و له من الغنم والهوش والاتان والجمال اضعاف مضاعفة.
أما انت يا شيطان فإن كررت ذلك و وسوسوت لعبادي الجنوبيون سأجعل برلمانياً في البرلمان العراقي واخليهم يضحكون عليك مثل ما هسه مسوين الشعب العراقي ‫#‏دوشگ‬ مال ضحك
‫#‏تفلابارك_الله‬ بيك
..........
خلصت
ولمن يرغب في ترانيم ايوب و

نخبه مطربين من الريف العراقي - مواويل من طور المناقل

برنامج المضايف الاغنيه الريفيه يقدم فنانين من الريف العراقي مواويل من شعر الزهيري وطور المناقل على قناه…

YOUTU.BE

‫#‏قصة_الخليقة‬ باللهجة الجنوبية24

Tuco Al Sandeigo

April 13 at 5:49am · 

2️⃣4️⃣
‫#‏قصة_الخليقة‬ باللهجة الجنوبية
ايوب٣
بعد ان صبر أيوب على الابتلاءات من مقتل ابناءه السبعة وبناته الثلاثة و ذهاب ماله وحلاله، ولم يقنط ولم يجدف بحق الرب،
حضر ابناء الله( الملائكة) و وبوسطهم الشيطان الى الرب.
قال الرب: ها ولك شيطان؟ ويين چنت؟
الشيطان: أخوور، مخلصها خواره بخواره، چا عليش تنشدني مو تعلم الجهر وما يخفى؟ لو تريد اتجربني؟
الرب: شوف شوف الشيطان، اني انشده وهو يبسمر بالچلم، ‫#‏يركنهن_اتركن‬!!
د أحچ أحچ، شلون شفت صبر عبدي ايوب على المصايب النزلن عليه؟ مو تراهنت وياك ما يكفر؟ عبدي واني اعرفه، ‫#‏أبوالخريبات‬ مو كتلك عبادي المؤمنين مالك عليهم سلطان؟.
الشيطان: هههههههههه عود صدگ تحچي!؟ هسه ابتليه بجسمه وشوف التجديف والكفران مالته، يصير قمرچي مال زار مو ايوب المستقيم.
الرب: خل نشوف، د خل نبتليه بجسمه بس ما تموته بس علعله خليه معلعل.
وكان ماكان
اصاب الشيطان جسد ايوب بقرح من باطن قدمه حتى اعلى رأسه.
وخلاه يحك ويرد ليوره، ساعة يحك ظهره بالحايط و ساعة يحط رجليه بالژمر مال موگد بلكت شويه تهيد الحكة! ماكو ماتهيد.
‫#‏متعيني‬ عليه
‫#‏خربيتي_عليه‬
يصيح وما يستريح، يصيح على مرته ولچ خايبه هووووي حكيني تعاي حكيني حت لو بصخره.
المرة تحك وتحك، لا طبخ لا غسل مواعين، شغلتها بس تحك بجسم ايوب.
يتگشر جسمه اتگشر.
ولچ حكي، يصرخ بها.
زوجته: انت ما تگلي شني سالفتك؟ ما تحاچي ربك!؟ هيه هاي ‫#‏سالفتيش‬؟
خليه يفك عنك هو مو يحبك!؟ شو دار وشه عنك!؟
ايوب: صه، مه يا امراءة، شني دار وشه ربي عني؟ هو ربي منيله وژه!؟
هو ربي وبكيفه، ولا تتدخلين في ما بيني و بين ربي.
زوجته: ‫#‏چا‬ مو طاحت ايديه من الحك؟ شگالوك عليه؟ مره لو مكينة مال حك!؟ يوم يوميين!؟ مو مليت!.
اصدقاء ايوب اليفاز التيماني و بلدد الشوحي و صوفر النعماتي( قحط اسماء) سمعوا بما جرى لصديقهم ايوب، فقال اليفاز التيماني: شنهي بعد اخوكم؟ أحنه نضل خانسين؟ غير نمشي صوب ايوب ونواسيه!؟
بلدد الشوحي: والله خوويه المصيبة الـ سدت على أيوب لا ‫#‏لاسايره_ولادايره‬.
صوفر النعماتي: ‫#‏طرگاعة‬ وطاحت على الزلمة هاي لو ساديه علي شويون منها #چا ضليت اصوفر طول عمري!.
اليفاز التيماني: تَ امشونا انشونا خل نروحله، ناخذ من خاطره.
بلدد الشوحي: بس موش تگلوله سالفة البرلمان العراقي والاحتصانات و المذاهرات ترا هو الزلمة ‫#‏متذرر‬ حيل حيل ومابيه حيل.
صوفر النعماتي: بلدد شبيك انت!؟ تطبل صفح!؟ چاهو غير ماعنده تفزيون ولا راديون! كل غراضه وحلاله راحن

اليفاز التيماني: كو الله يحط مرض ايوب بزعماء الكتل ويخليهم يحكون، امشونا امشونا للزلمة
............
يتبع لابو حتى الاصلاح

قصة الخليقة باللهجة الجنوبية 23

Tuco Al Sandeigo

April 12 at 1:45pm · 

2️⃣3️⃣
‫#‏قصة_الخليقة‬ باللهجة الجنوبية
ايوب
أجاب الشيطان الرب: (وهل مجاناً يتقي أيوب؟) أليس لأنك باركت حوله وبسطت عليه الرزق؟ لكن مس ماعنده الان وسترى انه يجدف.
فقال الرب للشيطان: كل ما لديه في يدك افعل ما شئت ولكن لا تمسه هو.
و خرج الشيطان من وجه الرب.

وكان ذات يوم ايوب جالساً يتناول طعامه مع ابناءه واذا بالرسول ينقل له خبرا:
ايوب : ما وراءك يا هذا؟
الرسول: ‫#‏طرگاعة‬ وطاحت علينه، السبتيون طبو علينه وفرهدو كل الهوش الخمسمية وهن والمحاريث، و اخذو وياهن المطايا الخمسمية.
وكتلو الرعيان والخدم بحد السيف ولا بقى واحد بس اني طفرت بروحي وجبتلك الخبر ( ابو العلوم الططوة).
صفن ايوب من هول المصيبة وبينما هو في هذا الحال دخل اخر من غلمانه صارخاً:
ألحگ علينا الحگ علينا ‫#‏رحنه_وطي‬!؟
ها ولك شني السالفة؟
قال: زلزلة طاحت علينه من السما و موتت الخمستالاف نعجة. وكوه خلصت روحي.
بعده ما بالع ريجه طب عليه واحد اخر
يا ايوب: الكلدانيون طبو علينا وكتلو الخمستالاف ژمل( جمل).
و دخل اخر:
يا ايوب هبت ريح عاصفة فوقع البيت على ابناءك كلهم وهم مجتمعين وماتوا جميعا ولم يبقى لك ولد او بنت.
فسكت ايوب ثم قال:
و ياهو المخرج؟ حسين التكريتي؟ لو مخرج هندي!؟
شنو هذا الفلم؟ شنو ناصبين عليه؟ شنو زلزلة وحدة تموت ٥٠٠٠ نعجة؟
شنو بيت وكع على ولدي السبعة وبناتي التلاثة و ماتوا كلهم؟
شنو بيتي دبل فاليوم!؟ كونكريت مسلح؟
هو خيمة اذا وكعت بالزايد ينفشخ واحد منهم مو يموتون كلهم؟
شنو الكلدانيين ياخذون ٥٠٠٠ جمل؟ هم الكلدانيين كلهم مابيهم ١٠٠!؟
هاي سالفتيش؟
فأقسمو كلهم على ان اخبارهم صادقه وحقيقية.
فقام ايوب و شگ ثوبه و زين راسه صفر، وقال: عريان ولدت و سأعود عريانا، و ‫#‏الرب_اعطى_الرب_أخذ‬ولم يكفر.
فقال الشيطان: هذا مو ايوب هذا عبدالمنعم ابراهيم من گال :
الله گاب الله خد الله عليه العوط.
.......
يتبع

Tuco Al Sandeigo

April 12 at 1:45pm · 

2️⃣3️⃣
‫#‏قصة_الخليقة‬ باللهجة الجنوبية
ايوب
أجاب الشيطان الرب: (وهل مجاناً يتقي أيوب؟) أليس لأنك باركت حوله وبسطت عليه الرزق؟ لكن مس ماعنده الان وسترى انه يجدف.
فقال الرب للشيطان: كل ما لديه في يدك افعل ما شئت ولكن لا تمسه هو.
و خرج الشيطان من وجه الرب.

وكان ذات يوم ايوب جالساً يتناول طعامه مع ابناءه واذا بالرسول ينقل له خبرا:
ايوب : ما وراءك يا هذا؟
الرسول: ‫#‏طرگاعة‬ وطاحت علينه، السبتيون طبو علينه وفرهدو كل الهوش الخمسمية وهن والمحاريث، و اخذو وياهن المطايا الخمسمية.
وكتلو الرعيان والخدم بحد السيف ولا بقى واحد بس اني طفرت بروحي وجبتلك الخبر ( ابو العلوم الططوة).
صفن ايوب من هول المصيبة وبينما هو في هذا الحال دخل اخر من غلمانه صارخاً:
ألحگ علينا الحگ علينا ‫#‏رحنه_وطي‬!؟
ها ولك شني السالفة؟
قال: زلزلة طاحت علينه من السما و موتت الخمستالاف نعجة. وكوه خلصت روحي.
بعده ما بالع ريجه طب عليه واحد اخر
يا ايوب: الكلدانيون طبو علينا وكتلو الخمستالاف ژمل( جمل).
و دخل اخر:
يا ايوب هبت ريح عاصفة فوقع البيت على ابناءك كلهم وهم مجتمعين وماتوا جميعا ولم يبقى لك ولد او بنت.
فسكت ايوب ثم قال:
و ياهو المخرج؟ حسين التكريتي؟ لو مخرج هندي!؟
شنو هذا الفلم؟ شنو ناصبين عليه؟ شنو زلزلة وحدة تموت ٥٠٠٠ نعجة؟
شنو بيت وكع على ولدي السبعة وبناتي التلاثة و ماتوا كلهم؟
شنو بيتي دبل فاليوم!؟ كونكريت مسلح؟
هو خيمة اذا وكعت بالزايد ينفشخ واحد منهم مو يموتون كلهم؟
شنو الكلدانيين ياخذون ٥٠٠٠ جمل؟ هم الكلدانيين كلهم مابيهم ١٠٠!؟
هاي سالفتيش؟
فأقسمو كلهم على ان اخبارهم صادقه وحقيقية.
فقام ايوب و شگ ثوبه و زين راسه صفر، وقال: عريان ولدت و سأعود عريانا، و ‫#‏الرب_اعطى_الرب_أخذ‬ولم يكفر.
فقال الشيطان: هذا مو ايوب هذا عبدالمنعم ابراهيم من گال :
الله گاب الله خد الله عليه العوط.
.......
يتبع

فصة الخليقة باللهجة الجنوبية

Tuco Al Sandeigo added 2 new photos — at BIAP (Baghdad International Airport).

April 12 at 10:16am · 

زلمة خير وصايم مصلي ماعده زايده ناگصه، يتكفه الشر ويمشي بصف الحايط، وعنده فريخات نعمة من الله سبياعه ولد و تلاياثه بنيات.
وعنده حلال لا هنا ولا هناه، سبعتالاف بس الغنم من غير تلتالاف ژمل، و خمسميت هايشه وخمسميت مطية، و خدم و رعيان.
عايشين بنعيم.
جرت العادة في عائلة ايوب الصالح ان كل يوم يلتمون أبيت واحد من اولاده يذبحون ويطبخون ويلتمون وياكلون سوية، حتى البنات يودي عليهن ابوهن هن وبعولتهن( شفايتلهم) ياكلون وانوب يذبحون للرب ‫#‏ردود_مظالم‬
نشدوه: بووية ‫#‏چا‬ احنه يومية نذبح للرب ثواب، شني مسوي ذنب انت؟
ايوب: لا بووية بعد ابوكم، ‫#‏بلاكت‬ اگول خاف واحد من اولادي مسويلهم ذنب، مكسورة، واني ما ادري، اذبح لوش الله وتعالى.
وهكذا كانت ايام ايوب واهل ايوب.
.......
ذات يوم جاء ابناء الله( الملايچه) ليمثلوا امام الرب والشيطان بوسطهم.
فقال الرب للشيطان: ها ولـك، ويين ما ويين!؟ شو ماكو؟ منين ژيتك؟
الشيطان: ژيتي من الخواره والمشي بالارض، #چا منيين قابل ژايك من التياترو؟
الرب: أگلك عود هم حطيت بگـلبك حقد على عبدي أيوب؟ لأن ماكو مثله بالبشر، خير و متقي ربه و مايحب الشر. ( نبه الشيطان على الزلمة!!)
الشيطان: هو شنو ايوب!! چا انت غير منعم عليه!؟ غير ساردها عليه سرد!؟ غير منيين ما يلتفت ترزقه!؟
هو بلوشي يتقي الله!؟ هذا الرزق كله طبعن يتقي،
هسه دَ حط ايدك عليه واخذ رزقك منه، تشوفه اذا يكفر كفران أخت الچذب، ‫#‏يگوم_يطلع_من_گلبه_كفران‬، حتى اعطية القمرچي ما مكفرهن.
الرب: ها!؟ دَ روح ولك، انطيتك تخويل تلعب بيه لعب، و اتراهن وياك اذا كفر ايوب، عبدي واعرفه.
الشيطان: عبدك وتدفعني عليه!
الرب: شگلت ولك؟
الشيطان: لا ماكو شي احچي وي المضيف مال خطوط الجوية العراقية، عليش دايمن تتأخر طياييرهم.
.........
يتبع

Tuco Al Sandeigo added 2 new photos — at BIAP (Baghdad International Airport).

April 12 at 10:16am · 

زلمة خير وصايم مصلي ماعده زايده ناگصه، يتكفه الشر ويمشي بصف الحايط، وعنده فريخات نعمة من الله سبياعه ولد و تلاياثه بنيات.
وعنده حلال لا هنا ولا هناه، سبعتالاف بس الغنم من غير تلتالاف ژمل، و خمسميت هايشه وخمسميت مطية، و خدم و رعيان.
عايشين بنعيم.
جرت العادة في عائلة ايوب الصالح ان كل يوم يلتمون أبيت واحد من اولاده يذبحون ويطبخون ويلتمون وياكلون سوية، حتى البنات يودي عليهن ابوهن هن وبعولتهن( شفايتلهم) ياكلون وانوب يذبحون للرب ‫#‏ردود_مظالم‬
نشدوه: بووية ‫#‏چا‬ احنه يومية نذبح للرب ثواب، شني مسوي ذنب انت؟
ايوب: لا بووية بعد ابوكم، ‫#‏بلاكت‬ اگول خاف واحد من اولادي مسويلهم ذنب، مكسورة، واني ما ادري، اذبح لوش الله وتعالى.
وهكذا كانت ايام ايوب واهل ايوب.
.......
ذات يوم جاء ابناء الله( الملايچه) ليمثلوا امام الرب والشيطان بوسطهم.
فقال الرب للشيطان: ها ولـك، ويين ما ويين!؟ شو ماكو؟ منين ژيتك؟
الشيطان: ژيتي من الخواره والمشي بالارض، #چا منيين قابل ژايك من التياترو؟
الرب: أگلك عود هم حطيت بگـلبك حقد على عبدي أيوب؟ لأن ماكو مثله بالبشر، خير و متقي ربه و مايحب الشر. ( نبه الشيطان على الزلمة!!)
الشيطان: هو شنو ايوب!! چا انت غير منعم عليه!؟ غير ساردها عليه سرد!؟ غير منيين ما يلتفت ترزقه!؟
هو بلوشي يتقي الله!؟ هذا الرزق كله طبعن يتقي،
هسه دَ حط ايدك عليه واخذ رزقك منه، تشوفه اذا يكفر كفران أخت الچذب، ‫#‏يگوم_يطلع_من_گلبه_كفران‬، حتى اعطية القمرچي ما مكفرهن.
الرب: ها!؟ دَ روح ولك، انطيتك تخويل تلعب بيه لعب، و اتراهن وياك اذا كفر ايوب، عبدي واعرفه.
الشيطان: عبدك وتدفعني عليه!
الرب: شگلت ولك؟
الشيطان: لا ماكو شي احچي وي المضيف مال خطوط الجوية العراقية، عليش دايمن تتأخر طياييرهم.
.........
يتبع

رسالة من ابليس

Tuco Al Sandeigo

April 7 at 12:18pm · 

رسالة من أبليس
الى بني ادم
بعد التحية
عرفتموني حق المعرفة وشتمتوني سراً وعلانية منذ أكلت أمكم التفاحة حتى يومكم هذا.
لم أشكو ولم أتبرم ولن افعل ‫#‏بلاكت‬ الان حصص الحق ولابد لي من قول.
كنت ملكاً صالحاً ومقرباً خُلقت من نار، فعبدت الرب منذ خُلقت حتى خُلق ابوكم من حفنة تراب، أُمرت كما أُمر جميع الملائكة بأن نسجد له وهذا ما لم ولن افعله،
انت تؤمنون وتنادون بالديمقراطية والحريات
فلماذا تحرموني من حقي في رفض قرار مثل هذا!؟ خلقه الرب وعارضت وهذا جيد
أما اجباري على السجود فهذا ظلم وقهر.
طُردت من وظيفتي ومن الملكوت تعسفاً، ولا محكمة عقدت لتعيد لي حقوق عبادتي دهراً كاملا.
ألا أُعتبر معارضاً!؟ صاحب قضية؟
ليش حلال عليكم وحرام علي؟

أمكم حواء وابوكم تناولوا تفاحة فبانت عورتهما وطفقا بخصفان، آني شعليه واشبع نعايل!؟
ولنفترض جدلاً أنا من أغويتهما و وسوست لهما وهذا ماتروج له البروبغاندا مال رب ابراهيم ولوط، هم طناطله!؟ ليش اكلوها!؟ هم اكلوها مو اني؟
يزعمون اني اعلنت قراري باغواءكم، ولنفترض اني فعلت في ساعة حنق او غضب، أبتليت خو ما ابتليت!؟
شنو السويته اني ويجيني برلماني عراقي وامير سعودي و شيخ خليجي و حسني مبارك و كل ضباط الامن واجهزة المخابرات في الشرق الاوسط ومعهم جميع الارهابيين والمتطرفين يرمون النصب الذي يدعون انه لي بالحجارة!؟
اي اغبياء هذا حجر وأنا ملاك، وإن كنتم ترجموني لخطيئة الوسوسه فجرائمكم اشد خطراً وفتكا فأولى ثم أولى أن ترموا انفسكم بطابوگ، ثليثيات مصخرچه مال طابوگ جمهوري.
تزنون كما زنا جدكم لوط بابنتيه ونبيكم داوود بزوجة قائد جيشه وقتله، كما اغتصب ابن نبيكم اخته، جدكم الذي اعطى امكم مرتين مثل اي قواد مقابل ماشية.
تسرقون وتقتلون وتزنون وتسفحون و تعملون الاثام كلها وترموني بها!
تشيلوني الدعوى!؟
وتلعنوني!
باختصار انا هددت بالوسوسه والغواية وفشلت ولم افعل
ربما اضحك ابتسم حين تفعلون الخطايا والاثام شماتة مني بربكم الذي خلقكم و تنكر لعبادتي،
لكن المؤكد أني لم اقتل، لم اسرق، لم اصادر حق غيري، لم ارعب احد، لم افعل اي فعل تفعوه مرارا وتكرارا
واخيرا اقول لكم منو گايل لكم اني عندي ذيل و أحمر وعندي گرون!؟
هاي عقولكم التعبانه!؟
اضحكو على انفسكم، ناس تقشمر ناس!
عابت هلخلق
بالمناسبة هسه هذا الرجال اللي راح يوصلكم الرسالة يقول اعوذ بالله يمكن الشيطان وسوسلي وكتبتها
او انتم تكول هذا الزلمة ركبه الشيطان.

Tuco Al Sandeigo

April 6 at 11:50am · 

1️⃣9️⃣
‫#‏قصة_الخليقة‬ باللهجة الجنوبية
موسى
بعد ان استلم يوسف العبراني مقاليد السلطة في مصر، أستدعى ال يعقوب ليستقروا في مصر ويتنعموا بخيراتها وكان عددهم ٧٠، وهكذا كان
تناسل بني اسرائيل(بعقوب) في مصر واصبحوا أمة، وبعد موت الفرعون اضمحل دور يوسف وانتهى( سكرشوه)، وبدا للفرعون الجديد ان ال يعقوب اخذو من مصر والمصريين مأخذا فأستدعى كبار حكومته قائلا:
يا جماعة اريدكم تنعلون والدين هذول العبرانيين ألرعيان ألمجرجفين، ولكم نهبونا نهيبة، كله من هذا الفرعون الگبلي، دني النفس ابو الفروخ.
شوفو، ولا تخلولهم فرخ، يا مره تحبل منهم اذا ژابت ولد ذبوه بالماي واذا بت خلوها، واخذوهم كوربو عليهم بالبنيان، شغلوهم عماله.

في بيت من بيوت ال لاوي بن يعقوب ولد طفل فيه مسحة جمال وعافية، اخفته أمه ثلاثة اشهر ولم تستطع بعدها فأحتالت وابنتها:
يممة هاي بت فرعون عاجر، عليش ما نخلي الوليد بطريجها، و بس تشوفه حليو ومربرب يكسر خاطرها وتاخذه
وكان كذلك وأسمته الاميرة الفرعونية موسى
وتربى الطفل في حجر العائلة الفرعونية، حتى بلغ اشده وكان ذو قوة جسمانية
‫#‏ياكل_تلثتوكات‬ بصاية فرعون، وتلوفد اتلوفد.
وبحكم الدلال والتغذية والسلطة اصبح شرسا ومنفلتا حتى انه قتل مصرياً منحازاً لعبراني في مشاجرة بينهما، قتله ودفنه بالرمال خلسه، و كاد ان يكرر جريمته بعبراني تشاجر مع اخر لولا ان العبراني بلغ عليه مديرية الشرطة مال فرعون.
فهرب موسى بعيدا، حيث مدين وهناك تشاجر مع الرعاة وصرعهم من أجل فتاتين هن بنات كاهن، الذي زوجه بنته مقابل ان يعمل عنده راعيا.
مضت سنين و العبرانيين يعانون من المعاملة القاسية لفرعون مصر و موسى يرعى الماشية عند كاهن مدين حتى حدثت امامه معجزة!
نار تشتعل بالطحمة* والطحمة ما تشتعل!!
موسى: هاي سالفتيش!؟ نار مشتعلة بالطحمة والطحمة ما تحترگ!!
خل افتر عليها من اليمين ومن اليسار خاف واحد وراها!؟
واذا بالصوت:
ياااا موسى يااا موسى
موسى: يااهو هاذ اليصيحلي!؟ انت ياهو؟
يااا موسى ياا موسى
موسى: ها ها انت ياهو؟ شتريد؟ خل اشوفك، جايك من ورا الطحمة.
ياا موسى قف مكانك واخلع نعليك.
موسى: انت ياهو؟ وشني اخلع نعليك؟ طاب للجامع اني!؟ اني بالسحراء.
اخلع نعليك انك في ارض مقدسة وانا ملاك ربك.
ربك يقول الان تذكرت وعدي لبني يعقوب.
موسى: ‫#‏راية_الله_گطن‬ هسه ياله اتذكر!؟ مو انسمط ابو ابوهم ال يعقوب.
الملاك: اني اخترتك لارسلك الى فرعون لفك اسر شعبي.
موسى: و شلون بلله ينفك اسرهم؟ اروح أگل لفرعون، هلو فرعون فك اسر شعب الله ويفكهم؟
وبعدين هذول ال يعقوب ملة زفرة شيقنعهم اني مرسل!؟ غير يضحكون عليه؟ چا هو ياهو البلغ عليه؟
الملاك: ماهذه التي بيدك؟
موسى: عصاي
الملاك: ذبهه.
موسى: ليش اذبها؟ چا غير عصاتي ؟
الملاك : د ذبها لك، لتلح ملح.
فرمى موسى عصاه فأذا هيه حية عظيمة.
تعجب موسى من هذه المعجزة وقبل المهمة ‫#‏بلاكت‬ رجع للملاك قائلاً:
أگـلك سلملي على ربي، اني شلون أحچي وي فرعون وآني أوچـوچ!؟
عندي عته من أحچي؟ وهذا فرعون و حتى الغبرانيين يسووني چيس!؟
هسه يگولون اكو نبي يوچوچ!؟
الملاك: خوش خوش اخذ هارون يحچي بمكانك. ( لك هذا غير كروة تعبانة، هليام حتى الانبياء شغلتهم نص ونص).
موسى: واذا سألني قومي ما اقول لهم؟ من ارسلني؟
الملاك: قل ارسلني اله اباءكم يعقوب واسحاق وابراهيم اسمه ( ‫#‏أهيه_الذي_أهيه‬)
موسى: هيه يا ربي!؟ صدگ چذب، هو هذا أسم؟ هسه بس أگلهم أسم ربكم ( أهيه الذي أهيه) يگولون‫#‏هيه_مال_أسماء‬؟ هيه مال أهيه.
الملاك: خوش خوش گلهم ارسلني اله اباءكم واجدادكم وأسمه يهوه( لابو حتى هيچ شغله)
......

Tuco Al Sandeigo

April 6 at 11:58am · 

2️⃣0️⃣
‫#‏قصة_الخليقة‬ ‫#‏سفر_الخروج‬ باللهجة الجنوبية
موسى٢
ذهب موسى للعبرانيين ال يعقوب وبلغهم رسالة رب اباءهم يهوه. واتفق معهم انه سيكلم فرعون بأسم الرب ليستاذنه بخروج العبرانيين ثلاثة ايام ليذبحو للرب.

عند فرعون وقف موسى وهارون
ايها المبجل ارسلنا لك رب العبرانيين لنستأذنك بخروجهم ليذبحوا لربهم ثلاثة ايام.
فرعون: من أرسلكم؟
موسى: يهوه رب العبرانيين.
فرعون: وهذا بيش كيلو!؟ ما عرفه ولا يعرفني وشنو هلميانه؟ احنه وادم عدنا شغل وبنيان، اذا راحو يذبحون لربهم منو يشتغل طواس؟ من يشتغل ناشور؟
شني قصده يهوه؟ اغبش للمصطر مال ساحة٥٥ اجيب عماله لو للمصطر مال ساحة الطيران؟
وبعدين ويين اكو رب اسمه يهوه؟
موسى اخذ اخوك وأفلت لا اسويك أعلوچ واذبك للتماسيح.
موسى: ترا اشور بيك! هذا ابنك يموت بس ما تخلينا نذبح للرب.
فرعون: عفيه رب بس تذبحوله؟ شني سالفته ربكم اشگد يحب الذبايح؟ ربكم ‫#‏رب_لاحم‬.
موسى: سترى ماترى من ايات ربنا.
فرعون: خايب دَ گم، ابو ايات.
فطرح موسى عصاه فاذا هيه حية تسعى.
ونادى فرعون سحرته فطرحو عصيهم فاذا هن افاعي تسعى. و أكلت حية موسى افاعي سحرة فرعون.
فرعون: شنو هاي المزعطة!؟ شو صارت بالعصي وانوب صار بالحيايا!؟ ويين احنه بفلم مال هاري بورتر!؟
موسى: سترى ضربات الرب
فكانت ضربة تحول الماء الى دم، ثم ضربة الضفادع،
فرعون: شنو هاي السوالف؟ هيه مال عگروگ!؟
فضربهم البعوض والجراد و الابكار.
حتى صاح فرعون:
يلله امشو ولو من ارضي خلص البنيان.
انتم وربكم يهوه
وهكذا كان
قصص مملة، ما تمشي بالالفية الثالثة و زمن المعلوماتية على اصغر طفل
.........
ما يتبع هيه مال يتبع
چذب مال عبرانيين ومصفط اتصفط
وهايهيه توبة من هاي النوبة

Show more reactions

قصة الخليقة باللهجة الجنوبية 16

Tuco Al Sandeigo

April 6 at 1:04am · 

1️⃣6️⃣
‫#‏قصة_الخليقة‬ ‫#‏العهد_القديم‬ باللهجة الجنوبية
يوسف ، ‫#‏يوزرسيف‬
بعد أن بارك ابراهيم اسحاق ولده من سارة وطرد اسماعين ولده من هاجر المصرية، استقرت الامور لاسحاق وفعل ما فعل اباه ابراهيم حيث بارك ولده يعقوب دون ولده عيسو
وهاي المباركات الموش على مالت ألله كلهن بسبب السعالو سويره أمْريت ابراهيم و راحيل أمْريت يعگوب، يقرن براسهم ليل ونهار.
ما علينا، بعد مباركة اسحاق ليعقوب و وراثته قطعان الماشية تزوج يعقوب بنات خاله، و هذن تگول عدهن مسابقة، وحده منهن ژابت درزن إله اثنين!! بطن لو معمل!! راؤبين وشمعون ولاوي وجاد و بعد ما تذكر اسماءهم، اذا هو يعگوب ابوهم يتيه بأسماءهم، تريدون اني اتذكهم!!

الثانية اختها ژابت يوسف وبنيامين،
هذولاك معكمشين اتعكمش، ويوسف وبنيامين طلعوا على سارة حمران وشعرهم يلصف من الشگار وبيهم ترافة ژدتهم سارة.

عويل يعگوب هواي، لوحدهم سلف بكبره، نسوان وچناين عشرة وفروخ، شيشبعهم!؟
الاولاد ترعى بالصخول والغنم والزلمة يعگوب يبقى يم الحرِيم والفروخ يحمي المنطر والنسوان يلگطن ويطحنن ويعژنن ويخبزن ويحلبن ويرضعن الفروخ وبالليل هم وراهن ‫#‏أُشتباكات‬ وي هذول الرعيان(‫#‏عيشتيش‬).

يوم من الأيام العويل كله ملتم علغده يتغدولهم خبيزه و حْليبه و يوسف نبص:
أگلكم أگـكلم، تدرون شتحلمت؟
شمعون: ولك انت أبو أيد البايدة، خل نتزقنب، وكت احلام؟ الدنيا الظهر.
نهره يعگوب: شمعون شبيك وي الفرخ!؟ بيش اطلبه؟ حاط گورك و گوره!؟ سولف بووية يوسف، سولف حلمك.
يوسف: چن بعالم الطيف، كلنا رايحين نحطب حطيبات، وكل واحد من عدنا حطبله كاره، عليش ما كارتي الحطبتها وكفت وكفه، وأژت ولفت كاراتكم كلكم.
ها ها ها ها ها، ضحك الجميع وقهقه راؤبين عاليا وقال:
خايب دَ گـم، أبو كاره، ها ها ها أبو أيد البايده، الباهت، يحطب كاره!؟ بيك خير بس شيل ايدك ليفوگ من چتفك!! مخلصها سايق مخده انت.
فنهره يعگوب: ولــكم انت شبيكم وي الفرخ!؟ موش أخوكم؟ بيش اطلبونه؟ ناصبين عليه كلكم!؟
لاوي: بووية، أحنه علموده، نريده يصير ولد أشچ يگضي العتبه، شوفت عينك أحنه واحدنا يعارك بروحه من الوكاحه وما مدبرينها، وهو مايع من حلاته! خاف يكظونه الكنعانيين ويسردونه سرد ونشتهر!!؟
يعگوب: د أنچب أنچب، عود هو يعرف يحچي أبو الچعچ المجرجف.
وكان طعامهم زقوم بسبب المشاحنات التي لا تنقطع.

ذهب الابناء الى المرعى وبقي يوسف بقرب ابيه كعادته وهو بعمر الصبا.
وفي صباح يوم قائظ جلس يعگوب ينتظر ابناءه قلقاً عليهم لتأخرهم واذا بيوسف يأتيه مسرعاً:
بووية بوووية.
يعگوب: ها بعد أبوك
يوسف: بووية تدري شتحلمت؟
يعگوب: اهووو شمالك بعد ابوك!؟ انت ما تژوز من هاي احلامك؟ صدگ چذب!؟ ‫#‏لاتچل_ولاتمل‬!؟ النوم الهواي موزين عليك بعد ابووك، أتصير مضحكة.
يوسف: فشلتني بووية!؟
يعگوب: لا لا تزعل بعد ابوك وچلاويه، سولف سولف.
يوسف: بووية تحلمت اهدعش كوكب والشمس والگمر يسجدون لي.
يعگوب: أممممم، بووية لا تسولف حلمك لخوتك، بسك بسك، انت بعد چم تژيني متحلم انت الله!!
تروح غسل وشّك أول مرة، وتريگ و روح الحگلي اخوتك شوفهم ويين صار بيهم الدهر، تعطلو هواي.
ها و دير بالك اتسولف حلمك هذا ابو الشمس والگمر.
......
يتبع

Tuco Al Sandeigo

April 6 at 4:40am · 

ماكو وكت، بعد ورانا شغل هواي، خل نخبزهم خبز.
1️⃣7️⃣
‫#‏قصة_الخليقة‬ باللهجة الجنوبية
يوسف٢
+١٨ و نص ربع
بعد ان ساور القلق يعقوب على ابناء الرعاة، ارسل خلفهم ولده الاثير يوسف ليتقصى خبرهم.
أبصر الرعاة ابناء يعقوب أخاهم يوسف قادماً يجر خطاه متثاقلاً
صاح لاوي:
أسسسسستلموا شوفو ياهو أجاكم؟
طبت الچطله، أجاكم الچادود.
ضحك الرعاة.
ها يوسف مدلل ابوك، شجابك؟ منك من الشيطان تشرفنا بالمرعى؟
يوسف: ابووي وداني وراكم، ظل باله عليكم، تأخرتو.
لاوي: عدنا چم صخلة ژابت ونريد نكمل ونرجع.
ومازحوه، وكان مادة تندرهم، حتى حان موعد تناولهم طعامهم.
افترشوا الارض واخرجو خبزهم ون
ما أن مدو ايديهم لتناوله حتى قال جاد هازئاً:
شعجب يوسف اليوم مامتحلم؟
سكت يوسف متذكراً وصية يعقوب ثم لم يطق صبرا:
تحلمت تحلمت، اهدعش كوكب والشمس والگمر بسجدولي.
ضحك الجميع ضحك هستيري إلا شمعون فكان نزقاً سريع الغضب
نهض و اسرع باتجاه يوسف و رفعه و ركض به باتجاه البئر ورماه فيه وعاد ليتناول طعامه.
راؤبين: هاي شسويت!؟ انت صدگ اريعن؟
روح جيبه.
شمعون: خل يولي، خل ناكلنا لگمة.
لاوي: لك بابا روح جيبه، لايصير بيه شي.
شمعون: افتهمنا افتهمنا، بس خل ناكل لكمه براحة و من نخلص شغلنا اطلعه وناخذه ونرجع لأهلنا،
سللني، موتني، احنه رب ربنا مستلگ من الحر والحرمس والشمس وهو يجيني الباهت المتختخ سجدتله الشمس!!؟
راؤبين: خوش خوش، بس مو تنساه.
وعادو لطعامهم واعمالهم وعندما حان وقت العودة تذكروا يوسف!!
عادو مسرعين للبئر فلم يجدوه*
فأُسقط في ايديهم، ماذا يفعلو!؟ ما يقولو لأبيهم!؟
أكله الذئب
وكان ماكان
أما يوسف فقد أخذته قافلة تجار الرقيق الى مصر، وباعوه لقوطي فار أحد مخصيي الفرعون، الذي اعجبه جماله و رقته.
زليخة زليخة، ژبتلچ غُلام عبراني يشگ شگ، ترف ترافه أخت الچذب.
زليخة: شسوي بالغُلام؟ اني اريد خادم كون حبشي آبنوسي يلصف، عربيد مو بشر، ياله افوخ من التعب.
قوطي فار: شيفوخچ انت؟ اذا حتى أمينة فاخت وانت ما تفوخين؟ نگلت عليچ الحبشة كلها وما فختي، فلوسي كلهن صفن عد تجار الرقيق بس مو وراچ.
زليخة: د اسكت اسكت، الخصي، لا تصچم.
وحين دخل يوسف والقى التحية على مولاته زليخة، ‫#‏داخت_بالمعاملة‬ اعجبت به و انصطرت صطر، كما داخ وانصطر فرعون بمعاملة سارة زوجة ابراهيم.
ما هي إلا أيام وأصبح قوطي فار و ما يملك طوع أمر يوسف.
وكان جماله و رقته جواز سفره ومفتاح النعمة التي انعمها الرب عليه( نعمتيش! ترافة وي المصريين الاوائل، اذا هي نعيمة الصغير ادّْور حلوين).
ولهت زليخة بيوسف واصبحت لا تطيق فراق الفتى، حتى راودها الشيطان( الشيطان‫#‏يحلف_ويتكفر‬ يگول مو اني، ولا موسوس لها)،
زليخة: يا يوسف
يوسف: نعم يامولاتي
زليخة: هيت لك.
يوسف: صار مولاتي، ويين مخليتها؟
زليخة: شني ولك؟ هيت هيت لك.
يوسف: هي شنيه الـ هيت؟ گلادة، محبس، جونيه مال اطحين!؟
زليخة: ولك تعاااال نشتبك.
يوسف ما يعرف للشغلة
فاحتضنته والتهمته السعلوه
يوسف ارتخى وباد حيله و لا يدري ما يفعل.
حتى هم بها وما دبرها، فهرب
وخشت السعلوه من الفضيحة فصرخت
كظوه كظوه ولكم چهبني هذا الفويسد.
وانتشر خبر زليخة في كل المجتمع المخملي المصري
زُليخة كظوها هي وخادمها العبراني.
قوطي فار: ولچ اشسويتي!؟ خزيتينا وشهرتينا الله لايوفقچ، هلبت تچلين تملين!؟ اي رهازه، اي شباخه!؟
زليخة: هلو هلو بالشريف! شلونك انت، شحال لو ما خصي!؟ شگالولك منين جايبني!؟ چا انت مو تدري اني زوجة الاله امون؟
قوطي فار: ولج يا امون!؟ هيه مال امون؟ خلي السالفة مستورة.
زليخة: راح اشتكي عند الاله آمون.
قوطي فار: والمجتمع الفرعوني شسويله؟ وين انطي وجهي منه!؟
معليك معليك هسه تشوف المجتمع.
و أولمت وليمة ودعت كل نساء المجتمع المخملي الفرعوني،
حطت گبالهم فواكه وسچاچين وطببت يوسف عليهن وهنه كلهن ‫#‏داخن_بالمعاملة‬انصطرن، كصصن ايديهن
‫#‏شحلاته‬ ‫#‏والله_قطعة‬ ‫#‏خوش_قبچ‬...الخ هكذا اطلقن لمخيلتهن في الوصف.
ثم ادخلتهن واحدة واحدة على يوسف،
مختصر مفيد كـلــــهن سلچن على يوسف.
فخطبت زُليخة فيهن، منتقمة منهن:
يا گحاب يا فاسدات يا رهازات
وحدتچن راكضة وي خيل الريسز
ما ظل كاهن ما اشتبكتن وياه
بحجة زوجات الاله امون و شبعوا بيچن الكهنة ويين الأكرع وابو صماخ.
هسه صايرات شريفات براسي
فطأطأن روؤسهن من الخجل والتمسن العذر لزليخة و طلبن منها ان تعيرهن يوسف لكل واحدة ليلة.
فقالت زليخة: خايبات والله متوهمات! هذا ‫#‏مبيعرفش‬.
هكذا كان وألقي يوسف في السجن لأنه مبيعرفش.
...............
*تفسيرات هواي،

Tuco Al Sandeigo

April 6 at 4:41am · 

ماكو وكت، انريد نلحگ

1️⃣8️⃣
‫#‏قصة_الخليقة‬ باللهجة الجنوبية
يوسف٣

في السجن أُعجب الحراس وكل أسافل السجن، من ردهة ٥ حافيات المياه الى ق ١٣ وتسابق دهاقنة الاجرام لكسب وده لجعله ‫#‏سفرداش‬ لهم من الاخ رحمن الفدائي وحاتم حكومة مرور بحجة السفلة والساقطين سعدي الاسود وابراهيم هظيمة فضلاً عن جميع ‫#‏العنقرچية‬ وهذه بديهية من بديهيات فقه السجون، الحلو لابد من شقي يحميه ويصطفيه لنفسه.
حتى أعلن قائد السجن بيانه الحاسم:
السجن ومن فيه طوع أمر يوسف، واليحچي وياه أنعل والدي والديه،
يوسف ‫#‏يخصني‬.
فأصبح السجن طوع بنان يوسف، مفتاح ذلك الدائم جماله ورقته في مجتمع ذكوري يعاني من نقص حاد في الترافه والجمال،
مضت الايام في السجن ويوسف يزداد حظوة فيه، حيث ان امر السجن اعلن:
السجن وحراسه والمساجين كله بيد يوسف، واليحچي وي يوسف أنعل والدي والديه.
وهكذا كان يوسف محمي بسلطة آمر السجن، يقضي أغلب لياليه وايامه في جناحه. حتى أصبح هو المتحكم في السجن ومن فيه.

في صباح من صباحات السجن فتح باب السجن والقى فيه
ساقي الفرعون، وخبازه بعقوبةٍ من الفرعون.
الساقي حلم حلماً والساقي كذلك، وكانت فرصة يوسف للوصول الى فرعون.
الساقي: تحلمت ٣ عناكيد عنب من ٣ اشجار واعصرهن.
يوسف: انت تطلع بعد تلثتيام وترجع لشغلك.
الخباز: تحلمت شايل ٣ سلال خبز على راسي والطيور تاكل منهن.
يوسف: انت يعدمونك بعد تلثتيام.
فأستغل السجناء هذه الفرصة خاصة وان السجناء عموماً كثيرا ما يحلمون.
سجين١: اني تحلمت أمي جايتني مواجهة.
يوسف: اضغاث احلام
سجين٢: اني تحلمت متزحلك و واگع:
يوسف: اضغاث احلام.
وهكذا كان كل الحالمين من السجناء احلامهم اضغاث احلام حسب تفسير يوسف إلا ساقي وخباز الفرعون!! ( طبقية في تفسير الاحلام).
طبعاً السجناء لم يسكتوا على هذه الطبقية فسرت شائعات رددها سجين رقم١:
خايبين يا تفسير يا احلام!؟
احنه احلامنا تفسيرها اضغاث، وساقي وخباز الفرعون جابهن بالمظبوط تلثتيام!!؟
هذا ‫#‏بايگ_الاسئلة‬ من آمر السجن حبيب الأءلب. ( ارتكبو على يوسف).
وعادت الايام رتيبة في السجن حتى حلم الفرعون احلامه السنبلية والبقرية ولم يجد تفسيرا فتذكر الساقي يوسف.
فسر يوسف الحلم فاعجب ذلك الفرعون والذي اعجب ايضا بجمال يوسف ورقته فاصطفاه لنفسه وسلمه مفاتيح مصر.
وهكذا كان
يوسف العبراني يحكم مصر بسلاح الرقة والجمال.
وضع يوسف خطته و احتكر كل ما تنتجه ارض مصر من طعام و اشترى كل حبوب البلدان المجاورة لسبع سنوات.
ثم لسبع اخرى باع الحبوب للجياع من المصريين والشعوب المجاورة.
باع المصريون كل املاكهم لحساب فرعون و انعم عليهم بابقاءهم فلاحين على شبع بطنهم في املاكهم.
وفي سنة اخرى اشتراهم و ذرياتهم ليشبعو بطونهم الجائعة فأصبح كل شعب مصر عبيداً للفرعون بأشراف العبراني يوسف.
اصبح كل شيء وأي شيء ملك فرعون وبأدارة نبي الله يوسف! الارض والبشر والحيوان. لم ينج احد من المجاعة إلا ال يعگوب بنعمة من يوسف،
وهكذا اجتمع ويوسف واهله في مصر واقتطع لهم اراضي للرعي و بقي يحكم مصر وتزوج من ابنة الكاهن وعاشو عيشة سعيدة.
..........
هاي قصة الحلو يوزرسيف خلصت