زها بت حديد

اليوم  وبعالم الطيف (الاحلام)  واذا بالمراه الجميله  تقبل عليً بخطوات واثقه  وبابتسامه ساحرة
- مرحبا .
- هله خويه ,كل الهله بيج !!! ( مااعرفهها ,منين هاي المره)
- شلونكم , وشلونكم بعد, شلون عوائلكم . شلون اولادكم وبناتكم ؟؟؟ 
- نحمد الله ونشكره خويه على كل حال .انتي شلونك , زينه انشالله ؟  !!!!( لم اتذكرها , رغم انني اعرفها جيدا وكانها اختي)
- Did not know me ؟؟ (  عود ماعرفتني ؟)
- لا          والله خويه   ماعرفتج !!!( بخجل مطأطا الراس)
ولا زغراً بيج  ولكني  كبرت  ولاظل عندي فكر ولاشوف !!!!!!
- Zaha Hadid .... I am British. Iraqi origin
هههههههه  آني زوها حديد  هاي  شبيك !!! شنو بعدك ماعرفتني؟؟
- هله وميت هله خويه شلونج وشلونج بعد وعساج بخير وانشالله زينه ..زارتنه البركه والفرح والسرور..هله برفعت الراس  ,هله بالمبيضه وجوه اهلهه.............الخ
شجابك خويه . شوصلك , شلون اندليتي؟؟؟؟؟؟؟؟؟؟
- I'm here now !!!( متعجبه شنو شجابك؟؟ هذا بأي  عصر عايش !!)
-  أأمري  خويه واتدللي  . خاف رجلج  معاركج ؟  لو حماتج  طاردتج؟ ياشايبك ؟؟؟
-- على العموم  مدا  افهم شتقصد   my dear brother
-- !!!!!!!!!!!!!!????? شنههي؟؟؟؟؟؟؟؟؟ !!!!
-- على اية حال  انا اشكرك على هذه المشاعر الجياشه والمبالغ فيها ( بعدهم مبذرين في كل شيء).... انا اريد منك ان توصل رساله شفهيه الى المسؤولين العراقيين بأن يكفوا عن استخدام اسمي والتبجح بانني عراقيه امام القاصي والداني والرائح والغادي !!!
- عليش  خويه ؟؟ جا انتي  مو  عراقيه???
- ادري اني عراقية الولادة وهذا لاانكره بل افتخر به ولكن الفضل في ما انا فيه ليس للعراق ولا لحكوماته !! بل للجامعات الاجنبيه وللبريطانيين..فهم من علموا ودرسوا ودعموا ووفروا  اضافة للاهل طبعاً
-- شكلج بعد؟؟ اني زلمه  على كد حالي بعد اخوج...وانت كلامج خيط وخيط ..خيط اعرفه وخيط ماعرفه !!! بس  افتهمت انتي  مره بنيتي نفسج بنفسج ولااحد صاحب فضل عليج .............
-- this is the truth,,,,,,,, 
--- !!!!!!!!!!!!!!!!!!????
وبعدين افتهمت منها انها تقول مايلي بعد ان استعنت بترجمة غوغول من نت الاحلام
-- خويه  اني ماشية  انت وراك كعده من غبشه واني  وراي مئات المشاريع , اريدك توصل رسالتي وكلامي بالحرف الواحد
(( لاتتبجحوا  بأسمي ولابفني ولابعملي , لو كان فيكم خيرا . فلديكم الالاف من خريجي جامعات بغداد والموصل والبصره وغيرها من المهندسيين المعماريين والمدنيين وغيرهم من الاختصاصات.. تستطيعون خلق الالاف من زها حديد وزاهي حديد  عراقيين   لاريب فيهم , مولدا وعيشاَ ولغة ولهجةً...لديكم الالاف المؤلفه من خريجي الفنون  والالاف المؤلفه من الخريجين في كل مكان..لماذا لاتدعمونهم وتنمون قدراتهم وتوفرون البيئة الصالحه لتطورهم ؟؟؟؟؟؟؟؟ مو ياهو الينجح ويصير براسه خير صحتوا هذا ابننا وتلك بنتنا !!!!!!!!!!!!!!!!!!!!!!!!!!!!!!!!!!!!!!!!!!!!
ولو اني غسلت ايدي منكم  من الـــــshoulders  
دراسة فيها 3 ادوار ,دور اول ودور ثاني ودور ثالث وعدم رسوب ودرجات بلاش وتزوير للظالين !!!!!!!!!!!!
خويه  زها هم طيحيلنه  شويه !!!  جا يساعد الله قلوبنا  !! استغلوا اسمك للتباهي واغتاضيتي !! احنه استغلوا اسماءنا واحلامنا وادياننا وطوائفنا واعراقنا  الى حد ما غيبوا وفكَــنه !!!  وتررررررررررررر ترررررررررررر  دق جرس المنبه واستيقظت