وسجدت الملائكة لـ آدم و حفوا به فرحاً وغبطة.
وأكمل الله سبحانه نعمته عليه بأن علمه الاسماء كلها،
تعلم الصلاة والسبحانيات و تعلم اسمه واسماء الملايكه والسماوات وكل شي، الوژه والعيون والاذانات وكل الحواس، وتعلم حتى الجدوره والخواشيگ ما ظل شي ما تعلمه.
و من خلص الدورة التعليمية
قيل له:
يَا آدَمُ اسْكُنْ أَنتَ وَزَوْجُكَ الْجَنَّةَ وَكُلاَ مِنْهَا رَغَداً حَيْثُ شِئْتُمَا وَلاَ تَقْرَبَا هَـذِهِ الشَّجَرَةَ فَتَكُونَا مِنَ الْظَّالِمِينَ.
روحو للجنة عيشو بيها وافترو بيها وشتردون سوو، العبو، اتمشو، اتونسو، اكلو،
بس ديرو بالكم تتقربون من ذيچ الشجرة.
ترا ما ارضى عليكم، مو زين عليكم تتقربون من هاي الشجرة.
همه الله خير ما نشدو على الشجرة شني سالفتها وليش ما يتقربولها،
سمعو وطاعو وراحو للجنة، وعاشوا عيشه سعيدة.
اكل ونوم وذاك الهوا العذيبي، بساتين و فواكه وخضروات وكلشي وكلاشي
و ماي صافي و عصافير وبلابل
واحدهم صار افاده ها عرضه،
حوا استعدلت و وژهها صار احَمَر وصارت مسعده، منين ما تميل تغرف.
والزلمة ادم صار چنه البخت.
بربعو اتبربع.
بلاكت اكو واحد يراقبهم وهمه مايدرون!!
يراقبهم ويتحرگـن عليهم ويعض باصبعه.
طبعن هو أبليس المقهور والحاقد عليهم.
لسان حاله يقول:
بوووياه يابووياه
هذا الـ صم مال تراب يغلبني!؟
واخذ يفكر في كيفية الايقاع بآدم.
يتبع
وأكمل الله سبحانه نعمته عليه بأن علمه الاسماء كلها،
تعلم الصلاة والسبحانيات و تعلم اسمه واسماء الملايكه والسماوات وكل شي، الوژه والعيون والاذانات وكل الحواس، وتعلم حتى الجدوره والخواشيگ ما ظل شي ما تعلمه.
و من خلص الدورة التعليمية
قيل له:
يَا آدَمُ اسْكُنْ أَنتَ وَزَوْجُكَ الْجَنَّةَ وَكُلاَ مِنْهَا رَغَداً حَيْثُ شِئْتُمَا وَلاَ تَقْرَبَا هَـذِهِ الشَّجَرَةَ فَتَكُونَا مِنَ الْظَّالِمِينَ.
روحو للجنة عيشو بيها وافترو بيها وشتردون سوو، العبو، اتمشو، اتونسو، اكلو،
بس ديرو بالكم تتقربون من ذيچ الشجرة.
ترا ما ارضى عليكم، مو زين عليكم تتقربون من هاي الشجرة.
همه الله خير ما نشدو على الشجرة شني سالفتها وليش ما يتقربولها،
سمعو وطاعو وراحو للجنة، وعاشوا عيشه سعيدة.
اكل ونوم وذاك الهوا العذيبي، بساتين و فواكه وخضروات وكلشي وكلاشي
و ماي صافي و عصافير وبلابل
واحدهم صار افاده ها عرضه،
حوا استعدلت و وژهها صار احَمَر وصارت مسعده، منين ما تميل تغرف.
والزلمة ادم صار چنه البخت.
بربعو اتبربع.
بلاكت اكو واحد يراقبهم وهمه مايدرون!!
يراقبهم ويتحرگـن عليهم ويعض باصبعه.
طبعن هو أبليس المقهور والحاقد عليهم.
لسان حاله يقول:
بوووياه يابووياه
هذا الـ صم مال تراب يغلبني!؟
واخذ يفكر في كيفية الايقاع بآدم.
يتبع
4️⃣
#قصة_الخليقة باللهجة الجنوبية
#قصة_الخليقة باللهجة الجنوبية
لاحظ أبليس ثغرة في العلاقة بين ادم الذكر وحواء الانثى.
ادم يسوي نفسه ابو العُريف و نافخ روحه عليها و حواء تتمايص و تتنوزك بروحها وصاطرته صطر.
تطلب منه وهو يدللها، ژيبلي ماي يژيبلها، ناوشني هاي الكمثرى، يگمز على الغصن ويناوشها!! عود هوه قوي.
ادم يسوي نفسه ابو العُريف و نافخ روحه عليها و حواء تتمايص و تتنوزك بروحها وصاطرته صطر.
تطلب منه وهو يدللها، ژيبلي ماي يژيبلها، ناوشني هاي الكمثرى، يگمز على الغصن ويناوشها!! عود هوه قوي.
قال أبليس في سره:
كظيتهم، تاهت ولگيتها.
نقاط الضعف هي دلال حواء الانثوي و غرور ادم الذكوري.
من هاي النقطة أهژم بيوتهم، أربدهم ربد.
#بلاكت شلون؟ الطريقة لفعل ذلك!؟
فكر وفكر
إن ذهب بنفسه و وسوس لهم، أنكشفت حيلته.
شلوووون!؟
كظيتهم، تاهت ولگيتها.
نقاط الضعف هي دلال حواء الانثوي و غرور ادم الذكوري.
من هاي النقطة أهژم بيوتهم، أربدهم ربد.
#بلاكت شلون؟ الطريقة لفعل ذلك!؟
فكر وفكر
إن ذهب بنفسه و وسوس لهم، أنكشفت حيلته.
شلوووون!؟
ادم وحواء لاهين عن حيل أبليس، منشغلين بسحر الجنة ومافيها
ليل ونهار يحمدون الله ويشكرونه، حتى ذاع صيتهما في الملكوت الاعلى والجنة وكانا محط اهتمام كل المخلوقات النوارنية و الحيوانية والنباتية وحتى الجماد من الصخور والتراب وما شاكل ذلك.
على اعتبار كلها مخلوقات الله وكلها تسبح بحمده.
ما ان يمر ادم وحواء بمخلوق إلا ولقيا الترحاب والبشاشة، سواء كان طائر يطير او دابة تمشي او زاحف يزحف، حتى ان للحية علاقة ذات خصوصية مع حواء باعتبارهن اناث.
شلونج شلون احوالچ؟ قالت الحية لحواء
نحمد ألله ونشكره على هاي النعمة.
شو مانشوفكم هليام؟
والله مثلما تعرفين الجنة عرضها السموات والارض ومثلما نروح نتمشى ينرادلنا ايام وليالي.
انت حليوة ونازوكية ومسلوته سلت وتلصفين، #شحلاتچ. قالت حواء للحية.
الحية كيفت على هذا المديح.
سلميلي على العربيد قالت حواء مودعة الحية.
سلميلي على ادم
ثيمالاه
ثيمالاه.
احاديث نسويه.
وأهنا لگف السالفة أبليس!!
#تاهت_ولگيتها
وبدء ينسج خيوط وسوسته الشيطانية
يتبع
ليل ونهار يحمدون الله ويشكرونه، حتى ذاع صيتهما في الملكوت الاعلى والجنة وكانا محط اهتمام كل المخلوقات النوارنية و الحيوانية والنباتية وحتى الجماد من الصخور والتراب وما شاكل ذلك.
على اعتبار كلها مخلوقات الله وكلها تسبح بحمده.
ما ان يمر ادم وحواء بمخلوق إلا ولقيا الترحاب والبشاشة، سواء كان طائر يطير او دابة تمشي او زاحف يزحف، حتى ان للحية علاقة ذات خصوصية مع حواء باعتبارهن اناث.
شلونج شلون احوالچ؟ قالت الحية لحواء
نحمد ألله ونشكره على هاي النعمة.
شو مانشوفكم هليام؟
والله مثلما تعرفين الجنة عرضها السموات والارض ومثلما نروح نتمشى ينرادلنا ايام وليالي.
انت حليوة ونازوكية ومسلوته سلت وتلصفين، #شحلاتچ. قالت حواء للحية.
الحية كيفت على هذا المديح.
سلميلي على العربيد قالت حواء مودعة الحية.
سلميلي على ادم
ثيمالاه
ثيمالاه.
احاديث نسويه.
وأهنا لگف السالفة أبليس!!
#تاهت_ولگيتها
وبدء ينسج خيوط وسوسته الشيطانية
يتبع
5️⃣
#قصة_الخليقة باللهجة الجنوبية
#قصة_الخليقة باللهجة الجنوبية
وجد ابليس في علاقة الحية مع حواء الوسيلة لنفاذ وسوسته*.
العلاقة الانثوية بينهما شكلت المدخل المناسب له.
فذهب من فوره للحية وألقى التحية
كيفك؟
كل الهلا بأبليس، منيحه انت شلونك؟
اني الحمدلله زين، بس شوية قلق.
ها عليمن قلق يا ستار!؟ ردت الحية متعجبة.
قلقي على حواء، هليام سمنانة وخاف بعد تسمن.
واذا سمنت؟ خليها بالعافية خوش بت.
انت شتفتهمين ولچ!؟ شنو بالعافية؟ هاي السمنة تعيق عبادتها، تخلي السجود والركوع صعب ومشقة.( شلون أبو درب!؟).
الحية: يااااء هم صدگ!! هيه تاخذ بالعرض، واهگه للثمار حمس، أتگول #مهروش_وطاح_بكروش!!
أبليس: شفتي شلون؟ هسه بديتي تفتهمين.
الحية: وشلون هسه الچاره!؟
ابليس: أكلچ خليها تسوي دايت، انتن نسوان وهيه تريد خاطرچ، قنعيها قنعيها.
الحية: شلون اقنعها؟
ابليس: اقريلها، تعبي نفسج وياها، أحچيلها عن علاقتچ انت والعربيد ابو دماغسز، شلون مخبلته ومسويته انت حضينه ومثل المحبس بيدچ.
الحية: ولك انت صدك أبليس، انت صاير ماتستحي شو!؟ مو چنت ملك من الملايكه ومومن.
ابليس: لا يا حية بت الحية، چا اني شحاچي؟ هاي فوگ ما اسوي زين؟
اريدها تترشق حتى تگدر تعبد وتركع وتسجد.
انت بس گوليلها تاكل تفاح وهيه تصير رشيقة بدقيقتها.
الحية: خوش، عود من اشوفها أگللها، خاسرنه خسارة اني!؟ اسويلي ژويده لله.
ما هي إلا أيام وعادت حواء تمشي بصحبة ادم قرب الحية.
ها شلووونج؟ بادرت الحية
هلا بيچ، هلا بالحلوة.
ادم شلونك؟
بخير واحمدالله واشكره، انت شلونج، العربيد شلونه.
احنه بخير وعافية، بس العربيد ماينحمل يا ادم.
ها، عليش، بيش يطلبچ!؟ قال ادم.
الحية: يريدني ٢٤ ساعة رشيقة، هليام مدريشجايته علرشاقة!؟
ها ها ها ها، ضحك ادم.
واقتربت حواء من الحية متسائلة:
شني هاي الرشاقة وين مزروعة؟ تنوكل؟ تنشرب؟
ححححح( ضحكة الحية) لا لا لا تنوكل ولا تنشرب، انت مو تگولين عليه نازكه ومسلوته سلت؟
حواء: نعم.
الحية: اي هيه هاي الرشاقة، وانت هليام سمنانة وحتى صلاتج اتعبچ مو؟
حواء: أي والله، شمدريچ؟ گـوه اصلي، بسرعة افحط!!.
الحية: چا سوي دايت.
حواء: دايت شني أنوب؟ انت منين تژيبين هذا الحچي؟
الحية: الدايت يعني رشاقة.
حواء: اسوي ليش ما اسوي اذا زين.
الحية: خوش، يگولون التفاح كلششش زين وبسرعة يحرگ الشحوم.
حواء: ها!؟ ووين الگاه هذا التفاح!؟
الحية: اكو شجرة مسافة يومين وليلة بيها التفاح، احمر واخضر واصفر.
حواء: خوش باچر من غبشة اطلع اني وادم ونگظي يوم تحت الشجرة هم مترشق وهم نتونس.
وأبتسم أبليس
يتبع
------------------
وسوسة ابليس: ابليس بس يوسوس لا يقتل ولا ينهب ولا عنده فساد ادراي ولا يزني ولا اي شي، شغلته يوسوس وبس.
العلاقة الانثوية بينهما شكلت المدخل المناسب له.
فذهب من فوره للحية وألقى التحية
كيفك؟
كل الهلا بأبليس، منيحه انت شلونك؟
اني الحمدلله زين، بس شوية قلق.
ها عليمن قلق يا ستار!؟ ردت الحية متعجبة.
قلقي على حواء، هليام سمنانة وخاف بعد تسمن.
واذا سمنت؟ خليها بالعافية خوش بت.
انت شتفتهمين ولچ!؟ شنو بالعافية؟ هاي السمنة تعيق عبادتها، تخلي السجود والركوع صعب ومشقة.( شلون أبو درب!؟).
الحية: يااااء هم صدگ!! هيه تاخذ بالعرض، واهگه للثمار حمس، أتگول #مهروش_وطاح_بكروش!!
أبليس: شفتي شلون؟ هسه بديتي تفتهمين.
الحية: وشلون هسه الچاره!؟
ابليس: أكلچ خليها تسوي دايت، انتن نسوان وهيه تريد خاطرچ، قنعيها قنعيها.
الحية: شلون اقنعها؟
ابليس: اقريلها، تعبي نفسج وياها، أحچيلها عن علاقتچ انت والعربيد ابو دماغسز، شلون مخبلته ومسويته انت حضينه ومثل المحبس بيدچ.
الحية: ولك انت صدك أبليس، انت صاير ماتستحي شو!؟ مو چنت ملك من الملايكه ومومن.
ابليس: لا يا حية بت الحية، چا اني شحاچي؟ هاي فوگ ما اسوي زين؟
اريدها تترشق حتى تگدر تعبد وتركع وتسجد.
انت بس گوليلها تاكل تفاح وهيه تصير رشيقة بدقيقتها.
الحية: خوش، عود من اشوفها أگللها، خاسرنه خسارة اني!؟ اسويلي ژويده لله.
ما هي إلا أيام وعادت حواء تمشي بصحبة ادم قرب الحية.
ها شلووونج؟ بادرت الحية
هلا بيچ، هلا بالحلوة.
ادم شلونك؟
بخير واحمدالله واشكره، انت شلونج، العربيد شلونه.
احنه بخير وعافية، بس العربيد ماينحمل يا ادم.
ها، عليش، بيش يطلبچ!؟ قال ادم.
الحية: يريدني ٢٤ ساعة رشيقة، هليام مدريشجايته علرشاقة!؟
ها ها ها ها، ضحك ادم.
واقتربت حواء من الحية متسائلة:
شني هاي الرشاقة وين مزروعة؟ تنوكل؟ تنشرب؟
ححححح( ضحكة الحية) لا لا لا تنوكل ولا تنشرب، انت مو تگولين عليه نازكه ومسلوته سلت؟
حواء: نعم.
الحية: اي هيه هاي الرشاقة، وانت هليام سمنانة وحتى صلاتج اتعبچ مو؟
حواء: أي والله، شمدريچ؟ گـوه اصلي، بسرعة افحط!!.
الحية: چا سوي دايت.
حواء: دايت شني أنوب؟ انت منين تژيبين هذا الحچي؟
الحية: الدايت يعني رشاقة.
حواء: اسوي ليش ما اسوي اذا زين.
الحية: خوش، يگولون التفاح كلششش زين وبسرعة يحرگ الشحوم.
حواء: ها!؟ ووين الگاه هذا التفاح!؟
الحية: اكو شجرة مسافة يومين وليلة بيها التفاح، احمر واخضر واصفر.
حواء: خوش باچر من غبشة اطلع اني وادم ونگظي يوم تحت الشجرة هم مترشق وهم نتونس.
وأبتسم أبليس
يتبع
------------------
وسوسة ابليس: ابليس بس يوسوس لا يقتل ولا ينهب ولا عنده فساد ادراي ولا يزني ولا اي شي، شغلته يوسوس وبس.
ليست هناك تعليقات:
إرسال تعليق